ஸ்ரீ லலிதா ஸகஸ்ரநாமம் என்பது அன்னையின் ஆயிரம் பெயர்கள். இதைப் பாராயணம் செய்யும்போது ஸ்ரீலலிதாம்பிகையின் பெருமைகளும், ஆன்மிக விழிப்புணர்வு, மந்திரங்கள், தந்திரங்கள், பிரபஞ்சத்தின் படைப்பு ரகசியங்கள் குறித்த முழுமையான ஞானம் உருவாகும். ஸ்ரீ லலிதா ஸகஸ்ரநாமப் பாராயணம் பாவத்தை நீக்கும். இதனைப் பாராயணம் செய்யும் பக்தனின் நாவில், சரஸ்வதி தேவி நர்த்தனம் ஆடுவாள். எதிரிகள் நல்லிணக்கத்திற்கு வருவார்கள். அரசனே எதிர்த்தாலும் அன்னையின் பக்தனிடம் தோல்வி அடைவான். ஸ்ரீ லலிதா ஸகஸ்ரநாமத்தின் இன்னொரு சிறப்பு, இதைப் பாராயணம் செய்யும்போது அனைத்துக் கடவுளையும் வழிபட்ட புண்ணியம் நமக்குச் சேரும்.