சின்னஞ் சிறார்கள் தங்கள் மொழியறிவை வளர்த்துக் கொள்ளவும், வாழ்வை மேம்படுத்தவும் வழிகாட்டுபவை புத்தகங்களே! அவர்களிடம் சிறுவயதில் புத்தகம் படிக்கும் பழக்கத்தை ஏற்படுத்துபவை நல்ல அறிவூட்டும் கதைப் புத்தகங்களே.

அதன் அடிப்படையில், மாணவர்களுக்குப் பயனளிக்கும் வகையில் நற்கருத்துக்களுடன் கூடிய சிறுவர் கதைகளை, இக்காலச் சூழலுக்கு ஏற்ப எழுதியுள்ளேன்.

இக்கதைகள் மாணவர்களிடம் அன்பு, உதவி மனப்பான்மை, பெரியோர்களின் மீதான மரியாதை, மூடப்பழக்கங்களைக் கைவிடுதல், தவறான பழக்கங்களைத் திருத்திக் கொள்ளுதல், உழைப்பு, விடாமுயற்சி உள்ளிட்ட நற்குணங்களை நிச்சயம் வளர்க்கும். எனவே, சிறுவர் சிறுமியர் இந்நூலினைப் படித்துப் பயன் அடைய வேண்டும் என்று விழைகிறேன்.

பள்ளி மாணவ, மாணவியர் பயன்பெறும் வகையில் இந்நூலினை சிறந்த முறையில் வெளியிடும் அருணா பப்ளிகேஷன்ஸ் நிறுவனத்தாருக்கு என் நெஞ்சார்ந்த நன்றி.

-கீர்த்தி