உயர்ந்த குறிக்கோள்களைக் கொண்ட தலைவனின் வாழ்க்கைக் கதையினை நிரல்படச் சொல்லும் செய்யுட்களின் தொகுப்பே காப்பியம் ஆகும். காப்பியம் என்னும் பதம் சீவக சிந்தாமணியில் முதன் முதலில் எழுதப்பட்டுள்ளது.அப்படித் தமிழினத்தின் தலையெழுத்தை மாற்றியமைக்க வந்த மகத்தான தலைவரே கலைஞர் ஆவார். ஆக, அவர் பெருமை சொல்லும் காப்பியம் கலைஞர் நூற்றாண்டைக் கொண்டாடும் இந்நாளில் வருவது பொருத்த முடையதே ஆகும். தலைவரின்  பெருமையைத் தரணிக்கு எடுத்தோதும் விதமாய்; நம்முடைய கலைஞரின் புகழைக் கடைக்கோடித் தமிழனுக்கும் எடுத்துச் சொல்லும் விதமாய் திரு.நடேச.வைத்தியநாதன் உயர்ந்த சொற்களைக் கொண்டு உருவாக்கியுள்ள கலைஞர் அமர காவியம்  மிக அற்புதமான ஒரு மரபுத் தமிழ் மணக்கும் புதுவித மரபுக் கவிதையிலே அமைந்த மகா காவியம் ஆகும்